ناصر بن هذال http://www.naaser.net/ ياهاتفي ارسل جزيل التعابير عبر الفضا بسمي ورقم الشريحه
انقل سلامي صافي ن للمناعير ترجم بعض مادار وسط القريحه
سلام ازكى من عبير الازاهير لاعلها الوبال بارض ن فسيحه
وسمية منها الفيافي دواوير فيض وخباري والمناظر مليحه
تلقى الخزامى نبتها والنواوير و ريحة نفلها مختط وسط شيحه
يامحلا الممشى يذيك المخاظير والربع واجد والخواطر فسيحه
النار تنحر به دلال ن مباهير مدة يدين ن ماتسمى شحيحيه
والذود واجد من خيار المغاتير منايح ن ماهيب اية منيحه
تسعين منقيه مع تسع وبعير لاروحت تشفي قلوب ن جريحه
سلامي احلى من حليب المصاغير يامحلا لونه وطعمه وريحه
سلام ياروس الرجال المناعير سلام يا اهل العقول الرجيحه
الاد مسرد صفقوا ياجماهير قبيلة ن قبل المدايح مديحه
تشهد لهم قحطان و سبيع و مطير كل القبايل والوجيه السميحه
خمسة بدود موحدين الطوابير اخذ الكلام ان كان تبغى صحيحه
الله يجمعهم على العز والخير دايم ومنهو مات ربي يبيحه
اعطي على جمعى ربوعي تباشير اطوح شماغي وصوتي بصيحه
واخص شيخ الشمل ريف المسايير اقل مايلقون عنده ذبيحه
حكيم ومثقف وله هيبة امير وابيات شعري في سموه فصيحه
انا اشهد انه غير ثم غير ثم غير مواقفه من دونها الف طيحه
مهيوب والفزعة كما سالم الزير الراس صامل والنوايا صريحه
يقول له اللي وسط راسه سعاطير هنيكم ياهل ا لقلوب المريحه
يعد هرجه مثل عد الدنانير واشوم ع المترديه و النطيحه
منشان ماتضحك علي الشعاعير نصيحة جتني ونعم النصيحه
وختامها يالله في تالي عصير اغفر لعبدك والوجيه الفليحه http://www.naaser.net/