ناصر بن هذال http://www.naaser.net/ لاتراضيني ترى ماني براضي كبريائي يرفض انواع التراض

وان بغيت الصدق هذا حكي فاضي من يفرط فيك ما فيك استعاض

أنت لوصديت صار الانتقاض(ي) وجيت كلي اطوي بعاد الاراض

أعتذر لك عن خطاياك العراض(ي) واتسامح منك ياضبي الرياض

لانك اول حب ..يعني إفتراضي وانت احلى حب في قلبي وفاض

وانت خصمي في هواك وانت قاضي سو ماتبغي وماعندي اعتراض


---------------مجاراة الشاعر / بعيـــد المدى---------



يابو هذال اننقض لي جرح ماضي سامحك رب السماوات العـراض

ماتقوله كنه للماضـي يحاضـي يوم ساس القلب جا فيه انقضاض

يوم زعلني محبـي باغتراضـي قلـت ابذوقـه درس فيـه لاض

لكن اللي صار مافيه اعتواضـي لوّح إل شخصي بكفين البيـاض

قال في دربي ترا ياشيخ ماضـي دام لاول غلطة ٍ عفت الفيـاض

ودّع وغاب ورفيقك من يقاضـي ليته اصبر عن تفاكيـره وراض

---------مجاراة الشاعر القدير / عايض بن حيبان-----
,
هيه ياللي جـاد فكـرك واستهاضـي من هواجيس (ن) طويلات (ن) عراض

كبريائـك لايجـي فيـه انخفـاضـي ولا يجي حولـه سـواد و لا بيـاض

والمحبه شرعهـا حاضـر وماضـي مايجي فيهـا رفـاع (ن) وانخفـاض

يندمـج فيهـا التسامـح والتغـاضـي من كلا الاطراف حسـب الافتـراض

هكـذا والا فسيـحـات الاراضــي عن حياض الشـح ترويـك الفيـاض

---------الاخ عبدالله القزلان التميمي -----------------

لا تراضيني ترى مانيب راضي قالـها ناصـــر وابن هـــذال هـاض

كن في قلبه من اللوعات شاضي يشتكي لاهل الهـوى والقلب شاض

قلت من دش البحر ياهيه خاضي وفي بحور اهل الهوى حول وخاض

كان قلبك عن حسين الدل راضي وكان قلبــه بالهــوى شفــق وراض

سم بالرحمن ودرور شيخ قاضي يكتب اللي بينكـــم دون اعتـــراض

ونادني يالمسردي لا صرت فاضي واذبـــح اللي سمــها بنت المخاض

http://www.naaser.net/