|
|
يانجد للدعوه لفينا ملبين=ومشاركتنا تعد واجب علينا
وانا اتنومس من نجاح البعيدين=وازود ليمن صار منا وفينا
واليا بغيت المدح امدح مديحين =بابيات شعر ن تعجب السامعينا
"ومايستشك ياحسين كود الرديين"=والا ترى الطيب ثقيل ن رزينا
مانـي بمادحهـم لانهـم قريبـيـن=المـدح يزهاهـم طـوال السنينـا
ربعي تراهم من قديم ن والى الحين= دايـم وهم من اول الاولينـا
واليوم زاد اللي رحل عام الالفين =يداحم الدنيا بجنب ن متينا
يدرس ويتعلم مع الجامعيين=والفضل لله أرحم الراحمينا
من الرياض ل ايرلندا وبعدين=لنيوكسل ل جاش والله يعينا
الين جاب اللي تغيض المعادين=أنا أشهد أنه جاب شي ن ثمينا
اعلى شهاده جابها في القوانين=تشمل قوانين التجاره لدينا
مبروك يادكتور فيصل ملايين= وحليفك التوفيق دنيا و دينا
واذكرك ان الوطن يطلبك ديـن=وكل شخص ن ينتمـي لـه مدينـا
يكفي بانه موطن ن للحرميين=ومنها اصطفى ربي رسول ن أمينا
صلوا عليه وسلموا يامسلمين=وعلى آله وصحبه مع التابعينا
|
|
