|
|
يا منتدى جاش شعاره وكتابه = الله يسعد مساكم يابني عمي
سلام مني لكم يا نمور ياذيابه=يا عزوتي تاج راسي لا دنا همي
حنا بني مسرد اهل الشعر واصحابه=الشعر في عروقنا يجري مع الدمي
وحنا هل الرمح واهل السيف ونصابه=نارد على الموت ونشرب صافي الجمي
وحنا هل السلم وانجا الحرب حرابه=ناطى على هامة الجني ولا نسمي
الشعر من يمنا ماينقفل بابه =ما نصخر الشعر لاجل المدح والذمي
الشعر ديواننا والكل يقرابه=نتعب على حبكته بالكيف والكمي
الرجل يرقا بشعره ويتعلابه=ولا يخلي الشعر ويسكر الفمي
الشاعر/جمل بن محمد بن محبوب المسردي
*******
بسم الله اللي بذكره دوم نبدا به= الا بذكره يزين القول و يتمي
وصلاة ربي على رجل ن هدينابه = نبينا المصطفى الهاشمي الامي
اللي حظر مايقال مطول غيابه = ياصاحبي جاك ردي والتفت يمي
يامرحبا ياجمل والنار شبابه = في منتدى جاش لاخصص ولاعمي
المنتدى شيده ومثبت اطنابه =اللي بجمع الرفاقه دوم مهتمي
وفي قسم الاشعار تلقى كل آدابه=وشعار واجد عشان الشعر تلتمي
وكل ن عشان المعالي ساق مضرابه = مرَه يصيب الهدف ومرَه يزمي
الشعر عالم ومثلك فوق مرقابه = مثلك تغذاه حتى من صدر الامي
|
|
