|
|
واشيب عيني...من اللي شافته عيني=شافت من الوقــت ماهمَــل مدامعهـــا
والقلب ويا وريدي والشرايني=في كون الأحزان محصور(ن) تجمعَهــا
الوقت لاصار حد(ن)..مايداريني=الكبد كنَـه من الأعماق يمزعهــا
والعين تشكي على الأخرى وتبكيني=لو كان باليد حيله كان بامنعهــــا
كنت أحسب الشعر لاقلتــه يسليني=وإثره يزوَد على نفسي مواجعهــا
لاياظروف الدهر..لالا تعنيني=نفسي ترى ما وصلها منتس وجعهــا
تكفين تكفين...ثم تكفين خليني=نفس الشقاء والعناء يكفي تصدعهــا
ليت العلاقـــات تقطع بينتس وبيني=لوكان فيها ضريبه كان بادفعهــا
الشاعر/محمد بن عايض المســـردي=
********
ياهاجس الشعر بالله وينك وويني=ابغى بيوت الشعر وياك نصنعها
ترحيب باللي عسى ايامه سنيني=حفيد كرمان وادي جاش واشجعها
يامرحبا يامحمد بالملاييني=ترحيبة من سكن بغداد يسمعها
سلامتك عيد ثالث غير عيديني=والحمد للي علينا خطاك رجعها
اللي حصل لك قسم ماهو بمرضيني=لاشك الاقدار مابه حي يمنعها
اوصيك بالصبر وانته من هل الديني=والمعنويات يابن العم ترفعها
هذي هي الحال في الشده وفي الليني=دنياك مره معك وامرار مو معها
وختامها يامحمد فالك الزيني=خذ التهاني لابومحمد ورجعها
|
|
