|
|
ياعيون اللي من الوكر حاديـه الرصـاص=فرخ حرا" ذيَره صـوت بـارود القنيـص
ماينجي من محاذيـف بقعـاء الاحتـراص=القًدر مايخلـف امـره تحـذار الحريـص
ليت لي من عرفكم ياهوى بالـي خـلاص=واتحمَل قيمتـه غالـي (ن) والا رخيـص
وانتهي من رحلة ماعرفت الهـا خـواص=بالسبيل اللي يخلص خليص(ن) من خليص
غير مالي فيك حيلـه ولا منـك منـاص=حطك الله لي عذاب (ن) وزودك لي نقيص
من سبح غبة غرامك وعام بهـا وغـاص=ذاق طعم الموت والموت ما منـه منيـص
ليت في شرع المحبه قوانيـن وقصـاص=واقدر ارد اعتباري بعد وضع(ن) عويـص
الشاعر القدير / عايض بن حيبان=
****
كـل ماقلنـا مـن البـدع هونا..خـلاص!!=شاقني نظم جزيـل كمـا اللولـو رصيـص
ودي اجاري هل العرف وأهـل الأختصـاص=وأعسف الشعر المبنى على القاف العويـص
جاد به فكري وهلـه كمـا مـزن النمـاص=وانبت بحور وقوافي على "آص(ن)" و "ايص"
يامـدور للجـوازي معـك بنـدق وشـاص=عادتك كسب الجوازي ليـا حمـي الوطيـس
والمهاة اللي مذيـر وعنـك اليـوم حـاص=والله انه يحسر اللـي مـع مثلـه بخيـص
غير هونها ووضعك تـرى ماهـو بخـاص=من مشى دربك خطير من الـداب القريـص
جعـل تفـداك الغوالـي وتفـداك الرخـاص=القـدر مافيـه حيلـه ولـو انـك حريـص
|
|
