|
|
العبيدي:
سلام الله عليكم يابني عمي عيال العود = هل الوقفات واهل العز واهل الطيب والطاله
انا في منتداكم ياوساع المعرفه موجود = ابيلي مسردي يلعب معي والطيب لرجاله
**
ناصر:
الايامرحبا ترحيبة فيها مطر ورعـــود=جزيل القول يارجال صح لسان من قاله
مدحتونا وحنا نقول والله ماعليكم زود=قرينا الخط وما ندري من اللي قام بارساله
**
العبيدي:
يدوم لك البقا يلي ترحب واللقا محدود = نبي نلعب ونشرب معك فنجالين وبياله
انا ربعي عبيده فزعة المضيوم والمضهود = رجالن في لقا العدوان جباره وخياله
**
ناصر:
نيابة عن بني عمي وحنا للبلاد جنود=تفضل نلعب المنكوس يالالا يالا ياله
انا ماني بماخذ فوق قولك يا العبيدي شهود=ولاني بناشده ياناس عن عمه وعن خاله
**
العبيدي:
انا وياك ياناصر ليا هبت هبوب النود = نعرف العلم يابو زيد مخراجه ومدخاله
يشوش الراس لامني تذكرت البطل مسعود = وابو هذال ناصر يشبه لجده ومنزاله
**
ناصر:
تنجد بندقك ياصاحبي واشحن بها بارود=ابيك تحدد الشاره وابيك تحدد الحاله
ابيك تفسر القاصد وانا بفسر المقصود=رضا الجمهور مطلبنا وحنا دوم نسعاله
**
العبيدي:
تنجدنا البنادق يومها شعله وقدح زنود = لكن ذلحين خوف الرجل من ورعه وجواله
نفسر مانفسر مابها شرهه ولا منقود = رضى الجمهور غاية كل رجال وهوى باله
**
بغينا نرفع الرايه وقلتوا لي سهود مهود=عسى الله يصلح الرجال والله يصلح عياله
تحت حكم الملوك اللي تسمى "أسرة ال سعود"=تغير كل شي ومابقى شي على حاله
|
|
