|
|
قبل المسا من ضيقة الصدر ونيت = وابديت من قاصي ضميري قصايد
وعديت في راس الطويله وغنيت = عل الغنا يبعد هموم جدايد
من عاشر ضحيه وانا ما تهنيت = وحالي على ماقيل مافيه زايد
في ليلة الجمعه بأبها تلقيت = أعنف خبر ينشر بعرض الجرايد
قالوا توفت قبلة الحي والبيت = أمي عساها في جنان وبرايد
فاضت دموعي من عيوني وحسيت = ان الحشا يقطع بحد الحدايد
آمنت باللي كاتبه حامي البيت = وماقدر المولى فلا هو بعايد
بيدي حفرت لحودها لين ساويت = مكانها في القبر تحت اللحايد
ودعتها الرحمان من عقب صليت = ودعيت "جنبها" لهيب الوقايد
حل الفراق ومن عنا البعد عانيت =أنا أشهد اللي صار بالحيل كايد
تقطعت الآمال في ماترجيت =الا بعون الله صدوق الوعايد
|
|
