يابو يزيد الفكر جاء فيه تشويش\"    \"كنى برجم تعتليه الهوايش



في مهمه ما فيه كود الدراويش\"    \"والعين قاذيها من الصدر رايش



متوحد(ن) همي ولالى معاريش\"    \"صلف زماني لكن الراس شايش



جاني زماني بالطروش المباليش\"    \"وقال الزمن ل(0000) وين انت عايش



اما بصيد يبري القلب ويطيش\"    \"واما بطير يسهج الخرب طايش



مالى بدونه يانديبى وحتى ايش\"    \"لا قالو الدنيا على كف هايش



نغموش في راسه يقدي النغاميش\"    \"ذكره عزيز وهامه العز نايش





الشاعر/ عبود بن ناصر القحطاني    

****





يامرحبـا باللـي لفـوه المطاريـش    ترحيبة(ن) مثل المـزون الرعايـش



غنيت بابياتك على طفـح الجيـش    ووردتهـا عـد القلـوب العطايـش



الصيد تحري به مثل صافي الريـش    كسـاب للعليـا وللمـجـد نـايـش



ياصاحبي من خالي الهم؟..مافيـش!!    كل علـى ماقيـل حايشـه حايـش



بعض العرب عايش.. يبي لقمة العيش    مقفـل(ن) بابـه وملغـي الدرايـش



وشرواك عون منقضـات العكاريـش    وعون الضعيف اللي حياتـه بلايـش



وختامها ياللي بيوتـك علـى إيـش    أقبل عددهـا ياعميلـي علـى آيـش

جميع الحقوق محفوظة لــ ناصر بن هذال

http://www.naaser.net/